KADEN 15 ML MƏHLUL-DAMCI
Tərkibi :
Təsiredici maddə : Xolekalsiferol (Cholecalciferol) 50.000 BV (50000 IU), Vitamin K2 (as Menaquinone-7) 1.5 mg.
Xüsusiyyətləri : Kaden qida əlavəsinin əsas təsiredici komponenti xolekalsiferol (Vitamin D3)-kalsium və fosfor mübadiləsinin tənzimləyicisi olub, dəridə günəş şüalarının təsirindən yaranır. Komponent sümüklərin, skeletin və dişlərin normal inkişafına səbəb olur. D3 vitamini nazik bağırsaqlarda kalsium və fosfatların absorbsiyası, mineral duzların daşınması və sümüklərin kalsifikasiya proseslərini təmin edərək antiraxitik təsir göstərir. Böyrəklərdə kalsium və fosfatların reabsorbsiyasını tənzimləyir. Qanda kalsium ionlarının konsentrasiyasına nəzarət etməklə skelet əzələsinin normal tonusunu təmin edir, miokardın funksiyasını tənzimləyir, sinir impulslarının ötürülməsində , ATF-in sintezində iştirak edir. Vitamin qalxanabənzər ətraf vəzinin normal funksiyasını təmin edir. Komponent limfokinlərin sintezinə müsbət təsir edərək qeyri-spesifik immunitetin formalaşmasında mühüm rol oynayır.
İstifadə qaydaları və dozası:
1,5-4 yaş arası uşaqlar üçün gün ərzində 1 dəfə 1 damla, 4-14 yaş arası uşaqlar üçün 2 damla gündə 1 dəfə nəzərdə tutulur.14 yaşdan yuxarı və böyüklərdə 4 damla gündə 1 dəfə daxilə qəbul olunur. Tövsiyə olunan sutkalıq dozanı keçməyin. Digər hallarda həkim məsləhəti ilə.
Buraxılış forması: Kaden oral damla, 15 ml şüşə flakonda karton qutuya qablaşdırılır.
İstehsalçı: Pharma Standart Medikal Kozmetik Gıda Sanayi Ticatret Ltd. Şti.
Ünvan: İvedik OSB Mahallesi 1372. SOKAK No: 17 Yenimahalle/ANKARA/TÜRKIYƏ
