CERULLO TTS

Dərman vasitəsinin istifadəsi üzrə təlimat (xəstələr üçün)

CERULLO TTS  10 mq/2 ml  ƏD/VD inyeksiya üçün məhlul

Cerullo TTS

Beynəlxalq patentləşdirilməmiş adı: Меtoclopramide hydrochloride

Tərkibi Təsiredici maddə:   2 ml məhlulun tərkibində 10 mq metoklopramid hidroxlorid vardır.

Köməkçi maddələr: natrium xlorid, natrium metabisulfit (E223)

Təsviri  Rəngsiz şüşə ampullarda, şəffaf, rəngsiz, steril məhluldur.

Farmakoterapevtik qrupu  Mədə-bağırsaq traktının funksional pozğunluqlarının müalicəsi üçün preparatlar; prokinetiklər.

ATC kodu: A03FA01.

Farmakoloji xüsusiyyətləri

Farmakodinamikası

Metoklopramidin effekti yuxarı mədə-bağırsaq traktının parasimpatik sinirlərinin nəzarəti ilə sıx bağlıdır, burada o, normal peristaltikaya səbəb olur. Bu, mədə-bağırsaq traktının hərəkətliliyinin pozulmasının ümumi əsas səbəbinin yaratdığı vəziyyətlərə nəzarət etmək üçün vacib bir yanaşma təmin edir.

Metoklopramid yuxarı mədə-bağırsaq traktının fəaliyyətini stimullaşdırır, kanalın normal koordinasiyasını və tonusunu bərpa edir. Mədənin boşaldılması sürətlənir və qastroezofageal sfinkterin sabit vəziyyətdə tonusu artır. Metoklopramid, beyin xemoreseptorların triqqer zonasına (CTZ) qusmaəleyhinə birbaşa təsiri olan dofamin reseptorların antaqonistidir.

Farmakokinetikası

Sorulması:  Farmakoloji təsirin başlanğıcı venadaxili yeritmədən 1-3 dəqiqə sonra, əzələdaxili yeritmədən 10-15 dəqiqə sonra baş verir və bu təsirlər 1-2 saat davam edir.

Paylanması:

Metoklopramid orqanizmdə geniş yayılır. Metoklopramidin paylanma həcmi: 3,5 l/kq. Metoklopramid plasentaya keçir və ana südü ilə xaric olur.

Biotransformasiyası:

Qaraciyərdə metabolizə olunur.

Xaricolması:

Onun xaricolması iki fazalıdır. Terminal yarımxaricolma dövrü təxminən 4-6 saatdır, lakin böyrək çatışmazlığında qan plazmadaki konsentrasiyasının artması nəticəsində bu dövr uzanır. Xaricolunması sidiklə baş verir. Dozanın təxminən 85%-i 72 saat ərzində xaric olur. Metoklopramidin 20-30% -i orqanizmdən dəyişməz olaraq, qalan hissəsi sulfat və ya qlükronid konjuqatları və ya metabolitləri şəklində xaric olur. Dozanın təxminən 5%-i nəcislə xaric olur.

Xüsusi qrup xəstələr

Böyrək çatışmazlığı

Ağır böyrək çatışmazlığı olan xəstələrdə metoklopramidin klirensi 70%-ə qədər azalır, plazmadan yarımxaricolma dövrü isə artır (kreatinin klirensi 10-50 ml/dəq üçün təxminən 10 saat və kreatinin klirensi <10 ml/dəq üçün 15 saat).

Qaraciyər çatışmazlığı

Qaraciyər sirrozu olan xəstələrdə plazma klirensinin 50% azalması ilə əlaqəli metoklopramidin yığılması müşahidə edilmişdir.

İstifadəsinə göstərişlər

Böyüklərdə:

CERULLO TTS aşağıdaki hallarda böyüklər üçün göstərilir:

• Əməliyyatdan sonrakı ürəkbulanma və qusmanın qarşısının alınması.
• Ürəkbulanma və qusmanın simptomatik müalicəsi, o cümlədən kəskin miqren ilə törədilmiş.
• Şüa müalicəsinin nəticəsində yaranan ürəkbulanma və qusmanın qarşısının alınması.

Uşağlarda:

CERULLO TTS  aşağıdaki hallarda uşaqlar üçün (1 –18 il) göstərilir:

• Təxirəsalınmış kimyaterapiyanın səbəb olduğu ürəkbulanma və qusmanın qarşısının alınması, ikinci sıra variantı kimi
• Əməliyyatdan sonrakı müəyyən edilmiş ürəkbulanma və qusmanın ikinci sıra variantı kimi müalicəsi

Əks göstərişlər

• Təsiredici maddəyə və ya bölmə 6.1-də sadalanan köməkçi maddələrdən hər hansı birinə qarşı yüksək həssaslıq;
• Mədə-bağırsaq traktının hərəkətliliyinin stimullaşdırılmasına risk təşkil edən mədə-bağırsaq qanaxması, mədə-bağırsaq traktının mexaniki keçilməzliyi və ya perforasiyası;
• Şiddətli hipertenziya epizodları riski ilə əlaqədar təsdiqlənmiş və ya şübhəli feoxromositoma;
• Anamnezdə neyroleptiklərlə və ya metoklopramidinlə törədilmiş gecikmiş diskineziya;
• Epilepsiya (tutmaların tezliyi və intensivliyinin artması);
• Parkinson xəstəliyi;
• Levodopa və ya dopaminergik agonistlərlə kombinasiya,
• Anamnezdə metoklopramidin istifadəsi ilə əlaqəli və ya sitoxrom-b5 NADH çatışmazlığı ilə əlaqəli məlum methemoqlobinemiya;
• Ekstrapiramidal pozğunluqlar riskinin artması səbəbindən 1 yaşdan kiçik uşaqlarda istifadə;
• Mədə-bağırsaq sistemi üzərində əməliyyatlardan sonrakı ilk 3-4 gün ərzində istifadə edilməməlidir;
• Metoklopramid laktasiya zamanı istifadə edilməməlidir

Xüsusi göstərişlər və ehtiyat tədbirləri

Anamnezdə atopiya (astma daxil olmaqla) və ya porfiriya olan xəstələrdə Metoklopramidi istifadə edərkən ehtiyatlı olmaq lazımdır.

Nevroloji pozğunluqlar

Ekstrapiramidal pozğunluqlar, xüsusən də uşaqlarda və gənclərdə yüksək dozalar istifadə edildikdə baş verə bilər. Bu reaksiyalar adətən müalicənin əvvəlində baş verir və bir dəfə qəbul edildikdən sonra da baş verə bilər. Ekstrapiramidal simptomlar baş verdikdə metoklopramiddən istifadə dərhal dayandırılmalıdır. Bu təsirlər ümumiyyətlə müalicənin dayandırılmasından sonra tamamilə ləğv olunur, lakin simptomatik müalicə tələb oluna bilər (uşaqlarda benzodiazepinlər və/və ya böyüklərdə antixolinergik və parkinson əleyhinə preparatlar).

Doza həddinin aşılmasının qarşısını almaq üçün, hətta qusma və dozanın ləğv edilməsi halında belə, metoklopramidin hər tətbiqi arasında ən azı 6 saatlıq vaxt intervalına riayət edilməlidir.

Metoklopramidlə uzun müddətli müalicə, xüsusilə yaşlılarda, potensial olaraq geri dönməz olan gecikmiş diskineziyaya səbəb ola bilər. Gecikmiş diskineziya riski səbəbindən müalicə 3 aydan çox olmamalıdır. Gecikmiş diskineziyanın klinik əlamətləri əmələ gəldikdə, müalicə dayandırılmalıdır.

Metoklopramidin neyroleptiklərlə kombinasiya şəklində istifadə edildikdə, eləcə də metoklopramidinlə monoterapiya zamanı bədxassəli neyroleptik sindrom haqqında məlumat verilmişdir (bax: “Əlavə təsiri” böl.). Neyroleptik bədxassəli sindromun simptomları halında metoklopramiddən istifadə dərhal dayandırılmalı və müvafiq müalicəyə başlanmalıdır.

Yanaşı gedən nevroloji xəstəlikləri olan xəstələrdə və mərkəzi təsir göstərən digər preparatlardan müalicə alan xəstələrdə xüsusilə ehtiyatlı olmaq lazımdır.

Parkinson xəstəliyinin simptomları da metoklopramidlə kəskinləşə bilər.

Metoklopramid arterial hipertenziya ilə xəstələrdə ehtiyatla istifadə edilməlidir, çünki preparatın belə xəstələrdə dövr edən katexolaminləri artıra biləcəyinə dair məhdud məlumatlar var.

Metoklopramid mədə-bağırsaq traktının hərəkətliliyini stimullaşdıra bildiyi üçün dərman nəzəri olaraq mədə-bağırsaq anastomozundan və ya bağlandıqdan sonra tikiş xətlərində yüksək təzyiq yarada bilər.

Methemoglobinemiya

Sitoxrom b5 reduktaza çatışmazlığı ilə əlaqəli ola bilən methemoqlobinemiya barədə məlumat verilmişdir. Belə hallarda metoklopramidin qəbulu dərhal və həmişəlik dayandırılmalı və müvafiq tədbirlərə (məsələn, metilen mavisi ilə müalicə) başlanmalıdır.

Ürək pozğunluqları

Metoklopramidin inyeksiya şəklində, xüsusən venadaxili yeridilməsindən sonra sirkulyar kollaps, ağır bradikardiya, ürəyin dayanması və QT intervalının uzadılması halları da daxil olmaqla, ciddi ürək-damar sistemi ilə bağlı arzuolunmaz təsirlər barədə məlumat verilmişdir (bax: “Xüsusi göstərişlər”böl.).

Metoklopramid, xüsusən venadaxili yolla yaşlılara, ürəyin keçiriciliyi pozulması olan xəstələrə (o cümlədən QT intervalının uzadılması), düzəldilməmiş elektrolit disbalansı olan xəstələrə, bradikardiyaya və QT intervalını uzatdığı bilinən digər dərmanları qəbul edənlərə yeridildikdə xüsusilə ehtiyatlı olmaq lazımdır.

Əlavə effektlərin (məsələn, hipotenziya, akatiziya) riskini azaltmaq üçün venadaxili dozalar ləng bolüs şəklində (ən azı 3 dəqiqə) tətbiq edilməlidir.

Böyrək və qaraciyər çatışmazlığı

Böyrək çatışmazlığı və ya ağır qaraciyər çatışmazlığı olan xəstələrdə dozanın azaldılması tövsiyə olunur (bax:”Əlavə təsirlər” böl.).

CERULLO TTS 2 ml dozanın tərkibində 1 mmol (23 mq)-dan az natrium var; onu “natriumsuz” hesab etmək olar.

Bu məhsulda köməkçi maddə kimi natrium metabisulfit olduğundan o, nadir hallarda ağır həssaslıq reaksiyalarına və bronxospazma səbəb ola bilər.

Digər dərman vasitələri ilə qarşılıqlı təsiri

Əks göstərişi olan kombinasiya:  Levodopa və ya dopaminergik aqonistlər və metoklopramid qarşılıqlı antaqonizmə malikdir.

Qarşısının alınması lazım olan kombinasiyalar:

Alkoqol metoklopramidin sedativ təsirini gücləndirir.

Nəzərə alınacaq kombinasiya:

Metoklopramidin prokinetik təsiri səbəbindən bəzi preparatların sorulmasını dəyişdirilə bilər.

Antixolinergiklər və morfin törəmələri:

Antixolinergiklər və morfin törəmələri həzm traktının hərəkətliliyinə dair metoklopramidlə qarşılıqlı antaqonizmə malik ola bilər.

Mərkəzi sinir sisteminin depressantları (morfin törəmələri, anksiyolitiklər, sedativ H1 antihistamin preparatrları, sedativ antidepressantlar, barbituratlar, klonidin və oxşar preparatlar)

Mərkəzi sinir sistemini və metoklopramidini söndürən vasitələrin sedativ təsiri güclənir.

Neyroleptiklər:

Metoklopramid digər neyroleptiklərlə birlikdə ekstrapiramidal pozğunluqların yaranmasına additiv təsir göstərə bilər.

Serotonergik preparatlar:

Metoklopramidin SSRI kimi serotonergik dərmanlarla birgə istifadəsi serotonin sindromu riskini artıra bilər.

Diqoksin:

Metoklopramid diqoksinin biomənimsənilməsini azalda bilər. Diqoksinin plazma konsentrasiyasının diqqətlə monitorinqi tələb olunur.

Siklosporin:

Metoklopramid siklosporinin  biomənimsənilməsini artırır (C_max – 46% və ekspozisiyanı – 22%). Siklosporinin plazma konsentrasiyasının diqqətlə monitorinqi tələb olunur. Bu vəziyyətin klinik nəticələri qeyri-müəyyəndir.

Mivakurium və suksametonium:

Metoklopramidin inyeksiyası sinir-əzələ blokadasının müddətini uzada bilər (plazma xolinesterazını ingibəetmə nəticəsində).

Güclü CYP2D6 ingibitorları:

Fluoksetin və paroksetin kimi güclü CYP2D6 ingibitorları ilə eyni vaxtda istifadə edildikdə, metoklopramidin təsir səviyyəsi artır. Klinik əhəmiyyəti qeyri-müəyyən olsa da, xəstələr mənfi reaksiyalara görə nəzarət edilməlidir.

Mərkəzi stimullaşdırıcı potensial təsiri olan bəzi preparatların (məsələn, monoamin oksidaz ingibitorları) və simpatomimetiklərin təsirləri metoklopramidlə birgə təyin edildikdə dəyişə bilər və bu preparatların dozasına düzəliş tələb oluna bilər.

Aspirin, parasetamol:

Metoklopramidin mədə hərəkətliliyinə təsiri mədədən sorulmanı azaltmaqla və ya nazik bağırsaqdan sorulmanı artırmaqla mədə-bağırsaq traktından eyni vaxtda qəbul edilən digər oral preparatların udulmasını dəyişdirə bilər (məsələn, parasetamol və aspirinin təsirini artırır).

Atovakvon:

Metoklopramidin inyeksiyası atovakvonun plazma konsentrasiyasını azalda bilər.

Apomorfin:

Apomorfindən əvvəl metoklopramidin tətbiqi apomorfinə qarşı qusdurucu reaksiyanı azalda bilər; həmçinin, eyni vaxtda istifadə apomorfin və ya metoklopramidin MSS-nə söndürücü təsirlərini gücləndirə bilər.

Bromokriptin, kaberqolin:

Metoklopramid qan zərdabında prolaktinin konsentrasiyasını artıra bilər və bromokriptinin effektlərinə təsir edə bilər, bu da bromokriptinin dozasına düzəliş tələb edir.

Hamiləlik və laktasiya dövründə istifadəsi

Hamiləlik kateqoriyası: B

Reproduktiv potensialı olan qadınlar/Kontrasepsiya

Kontraseptivlərdən istifadə edən reproduktiv yaşda olan qadınlarda metoklopramidin istifadəsi ilə bağlı məlumat yoxdur.

Hamiləlik

Çoxsaylı məlumatlar (1000-dən çox xəstə qatılmışdır) metoklopramidin hamiləliyə və ya dölün/yeni doğulmuşun sağlamlığına mənfi təsir göstərdiyini sübut etmir. Bu günə qədər heç bir əhəmiyyətli epidemioloji məlumat əldə edilməmişdir. Hamilə qadınlara təyin edilərkən ehtiyatlı olmaq lazımdır. Metoklopramid hamiləlik dövründə klinik göstərişlər olduqda istifadə edilə bilər.

Farmakoloji xüsusiyyətlərinə görə (digər neyroleptiklər kimi) hamiləliyin sonunda metoklopramidin qəbulu zamanı yenidoğulmuşlarda ekstrapiramidal sindrom istisna edilə bilməz.

Hamiləliyin sonunda metoklopramiddən qaçınmaq lazımdır. Əgər metoklopramid istifadə olunursa, neonatal monitorinq aparılmalıdır.

Laktasiya

Metoklopramid ana südü ilə aşağı səviyyədə xaric olur. Ana südü ilə qidalanma zamanı əlavə reaksiyalar istisna edilə bilməz. Buna görə də, ana südü ilə qidalanma zamanı metoklopramid tövsiyə edilmir. Laktasiya dövründə qadınlarda metoklopramidin dayandırılması nəzərə alınmalıdır.

Reproduktiv qabiliyyət / Fertillik

Fertilliyə heç bir təsiri bildirilməyib.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Metoklopramid yuxululuğa, başgicəllənməyə, diskineziyaya və distoniyaya səbəb ola bilər ki, bu da görmə qabiliyyətinə, həmçinin nəqliyyat vasitələrini və mexanizmləri idarəetmə qabiliyyətinə təsir edə bilər.

İstifadə qaydası və dozası

Venadaxili və ya əzələdaxili yeridilir.

Venadaxili dozalar ləng bolüs şəklində (ən azı 3 dəqiqə ərzində) yeridilməlidir.

Böyüklər: Əməliyyatdan sonrakı ürəkbulanma və qusmanın qarşısının alınması üçün 10 mq birdəfəlik doza tövsiyə olunur.

Ürəkbulanma və qusmanın, o cümlədən kəskin miqren səbəb olduğu ürəkbulanma və qusmanın simptomatik müalicəsi və şüa terapiya nəticəsində yaranan ürəkbulanma və qusmanın (RINV) qarşısının alınması üçün: tövsiyə olunan 10 mq bir doza gündə üç dəfəyə qədər təkrarlanır. Maksimum tövsiyə olunan gündəlik doza 30 mq və ya 0,5 mq/kq bədən çəkisinə.

İnyeksiyon müalicənin davametmə müddəti mümkün qədər qısa olmalı və peroral müalicəyə mümkün qədər tez keçid edilməlidir.

Uşaqlar (1-18 yaş)

Bütün göstərişlər (1-18 yaş arası uşaq xəstələri):

Tövsiyə olunan doza 0,1-0,15 mq/kq bədən çəkisinə təşkil edir, bütün göstərişlərdə venadaxili gündə üç dəfə.

24 saat ərzində maksimal doza 0,5 mq/kq bədən çəkisinə təşkil edir.

Fayda/risk nisbəti diqqətlə nəzərdən keçirildikdən sonra 18 yaşa qədər uşaqlarda istifadəsi mümkündür.

Dozalanma cədvəli:

YAŞ	Bədən çəkisi	Doza	İstifadə tezliyi
1-3 yaş	10-14 kq	1 mq	gündə 3 dəfəyə qədər
3-5 yaş	15-19 kq	2 mq	gündə 3 dəfəyə qədər
5-9 yaş	20-29 kq	2.5 mq	gündə 3 dəfəyə qədər
9-18 yaş	30-60 kq	5 mq	gündə 3 dəfəyə qədər
15-18 yaş	60 kq-dan çox	10 mq	gündə 3 dəfəyə qədər

Gecikmiş kimyaterapiyanın səbəb olduğu ürəkbulanma və qusmanın qarşısının alınması üçün ikinci sıra variant kimi maksimum müalicə müddəti 5 gündür.

Əməliyyatdan sonrakı müəyyən edilmiş ürəkbulanma və qusmanın ikinci variant kimi müalicəsi üçün maksimum müalicə müddəti 48 saatdır.

İstifadə qaydası:

CERULLO TTS venadaxili və ya əzələdaxili olaraq tətbiq oluna bilər.

Venadaxili dozalar ləng bolüs şəklində (ən azı 3 dəqiqə ərzində) yeridilməlidir.

İki dozanın qəbulu arasında ən azı 6 saat fasilə olmalıdır, qusma və dozanın ləğvi də daxil olmaqla

Xüsusi əhali qrupları haqqında əlavə məlumat:

Böyrək çatışmazlığı:

Böyrək çatışmazlığının son mərhələsi olan xəstələrdə (kreatinin klirensi ≤ 15 ml/dəq) gündəlik doza 75% azaldılmalıdır.

Orta və ağır böyrək çatışmazlığı olan xəstələrdə (kreatinin klirensi 15-60 ml/dəq) doza 50% azaldılmalıdır.

Yüngül böyrək çatışmazlığında dozaya düzəliş tələb olunmur

Qaraciyər çatışmazlığı:

Ağır qaraciyər çatışmazlığı olan xəstələrdə doza 50% azaldılmalıdır

Uşaqlar:

Metoklopramid 1 yaşdan kiçik uşaqlarda istifadəyə əks göstərişdir

Yaşlı əhali:

Yaşlı xəstələrdə böyrək və qaraciyər funksiyasından və ümumi vəziyyətdən asılı olaraq dozanın azaldılması nəzərdə tutulmalıdır.

 

Əlavə təsirləri

Əlavə reaksiyalar sistem orqan sinfinləri üzrə sadalanıb. Tezlik sırasına görə aşağıdaki kimi müəyyən edilir.

Çox tez-tez (>1/10); tez-tez (>1/100 – <1/10); bəzən (>1/1000 – <1/100); nadir (>1/10,000 – <1/1000); çox nadir (<1/10.000), məlum deyil (mövcud məlumatlar əsasında qiymətləndirilə bilməz).

Sistem Orqan Sinfləri	Tezlik  (tez-tez təkrarlanan)	Arzuolunmaz reaksiyalar
Qan və limfa sisteminin pozğunluqları
	Məlum deyil	NADH sitoxrom b5 reduktaza çatışmazlığı ilə əlaqəli ola bilən methemoqlobinemiya, xüsusən yenidoğulmuşlarda (bax bölmə 5.4) Sulfhemoqlobinemiya, əsasən yüksək dozada kükürd xaric edən dərmanların eyni vaxtda qəbulu ilə
İmmun sisteminin pozğunluqları
	Bəzən	Həddindən artıq həssaslıq
	Məlum deyil	Anafilaktik reaksiyalar (anafilaktik şok daxil olunmaqla, xüsusilə venadaxili yeridilmə zamanı)
Endokrin pozğunluqlar*
	Bəzən	Amenoreya, hiperprolaktinemiya
	Nadir	Qalaktoreya
	Məlum deyil	Ginekomastiya
Psixi pozğunluqlar
	Tez-tez	Depressiya
	Bəzən	Hallüsinasiya
	Nadir	Şüurun qarışığı
Sinir sisteminin pozğunluqları
	Çox tez-tez	Yuxusuzluq
	Tez-tez	Ekstrapiramidal pozğunluqlar (xüsusilə uşaqlarda və gənclərdə və/və ya tövsiyə olunan dozadan artıq olduqda, hətta dərmanın bir dozasının qəbulundan sonra da) (bax: bölmə 5.4), Parkinsonizm, akatiziya
	Bəzən	Distoniya (görmə pozğunluğu və okuroloji kriz daxil olmaqla), diskineziya, dumanlı şüur
	Nadir	Xüsusilə epilepsiya ilə xəstələrdə qıcolmalar
	Məlum deyil	Xüsusilə yaşlı xəstələrdə uzun müddətli müalicə zamanı və ya sonrasında davamlı ola bilən gecikmiş diskineziya (bax: bölmə 5.4), Bədxassəli neyroleptik sindrom (bax bölmə 5.4)
Ürək pozğunluqları
	Bəzən	Bradikardiya, xüsusən venadaxili yeridilmə zamanı
	Məlum deyil	İnyeksiyadan qısa müddətdən sonra baş verən və bradikardiyadan sonra baş verə bilən ürək dayanması (bax: bölmə 5.4); Atrioventrikulyar blokada, sinus düyününün tutulması, xüsusən venadaxili istifadə zamanı; Elektrokardioqrammada QT intervalın uzadılması; Torsade de Pointes arterial hipertenziya (feoxromositoma olan/olmayan xəstələrdə)
Damar pozğunluğu
	Tez-tez	Hipotenziya, xüsusən venadaxili istifadə etdikdə
	Məlum deyil	İnyeksiyadan sonra şok, bayılma. Feoxromositoma olan xəstələrdə kəskin arterial hipertenziya (bax: bölmə 5.3). Qan təzyiqinin müvəqqəti olaraq yüksəlməsi
Mədə-bağırsaq pozğunluqları
	Tez-tez	İshal
Dəri və dərialtı toxamalarının xəstəlikləri
	Məlum deyil	Səpgi, qaşınma, angionevrotik ödem və övrə kimi dəri reaksiyaları
Ümumi xəstəliklər və yeridilən nahiyyədə dəyişikliklər
	Tez-tez	Asteniya
	Məlum deyil	İnyeksiya nahiyəsində iltihab və yerli flebit

 

* Hiperprolaktinemiya ilə əlaqədar uzun müddətli müalicə zamanı endokrin pozğunluqlar (amenoreya, qalaktoreya, ginekomastiya).

Yüksək dozalarin istifadəsi ilə bəzən əlaqəli olan aşağıdakı reaksiyalar daha tez-tez baş verir:

– Ekstrapiramidal simptomlar: kəskin distoniya və diskineziya, parkinson sindromu, akatiziya, hətta dərmanın bir dozasının tətbiqindən sonra, xüsusən də uşaqlarda və gənclərdə.

-Yuxusuzluq, şüurun səviyyəsinin azalması, qarışıqlı şüur, hallüsinasiyalar.

 

Doza həddinin aşılması

Simptomlar:

Ekstrapiramidal pozğunluqlar, yuxuya meyllik, şüurun dərəcəsinin azalması, qarışıq şüur, hallüsinasiyalar və ürək və tənəffüsün dayanması baş verə bilər.

Müalicə

Doza həddinin aşılması ilə əlaqəli və ya olmayan ekstrapiramidal simptomlar olduqda, müalicə yalnız simptomatikdir (uşaqlarda benzodiazepinlər və/və ya böyüklərdə antixolinergik parkinson əleyhinə preparatlar).

Klinik vəziyyətə uyğun olaraq simptomatik müalicə və ürək-damar və tənəffüs funksiyalarının davamlı monitorinqi aparılmalıdır.

Buraxılış forması 2 ml məhlul, şüşə ampulda. 6 ampul içlik vərəqə ilə birlikdə karton qutuya qablaşdırılır.

Saxlanma şəraiti 25°C-dən yüksək olmayan otaq temperaturunda, qaranlıq  və  uşaqların əli çatmayan yerdə saxlamaq lazımdır.

Yararlılıq müddəti 24 ay.

Yararlılıq müddəti bitdikdən sonra istifadə etmək olmaz.

Aptekdən buraxılma şərti Resept əsasında buraxılır.

İstehsalçı TURKTIPSAN SAĞLIK TURİZM EĞİTİM VE TİC A.Ş. AKYURT/ANKARA

Büğdüz Mahallesi, Kaymakam Ali Galib, Caddesi №28,

Akyurt/Ankara, Türkiyə

Qeydiyyat vəsiqəsinin sahibi

TURKTIPSAN SAĞLIK TURİZM EĞİTİM VE TİC A.Ş. AKYURT/ANKARA

Büğdüz Mahallesi, Kaymakam Ali Galib, Caddesi №28,

Akyurt/Ankara, Türkiyə