NANOFLOS

Dərman vasitəsinin istifadəsi üzrə təlimat

NANOFLOS   500 mq/100 ml venadaxili yeridilən infuziya üçün steril məhlul

NANOFLOS

Beynəlxalq patentləşdirilməmiş adı: levofloxacin hemihydrate

Tərkibi

Təsiredici maddə:  hər 100 ml infuziya məhlulunda 500 mq levofloksasinə ekvivalent 512,5 mq levofloksasin hemihidrat vardır.

Köməkçi maddələr: natrium xlorid, hidroxlor turşusu və ya natrium hidroksid və inyeksiya üçün su.

Təsviri    

Şəffaf, yaşıltım sarı məhluldur

 

Farmakoterapevtik qrupu

Flüorxinolon qrupuna aid olan antibakterial dərman vasitəsi.

ATC kodu: J01MA12

Farmakoloji xüsusiyyətləri

Farmakodinamikası

Nanoflos – dərman vasitəsinin ofloksasinin  rasemik qarışığının S (-) enantiomeri ilə flüorxinolon qrupundan olan sintetik antibakterial vasitədir.

Təsir mexanizmi

Flüorxinolonlar qrupundan olan antibakterial maddə olmaqla, DNT-DNT-giraza və   topoizomeraza IV  kompleksinə təsir edir.

Farmakokinetika/farmakodinamika nisbəti

Levofloksasinin bakterial  aktivliyinin dərəcəsi plazmada maksimal konsentrasiyası (Cmax) və ya əyri altındakı sahəsi (AUC) və minimal inhibəedici konsentrasiyasının (MİK) nisbətindən  asılıdır.

Rezistentlik mexanizmi

Levofloksasinə rezistentlik DNT-giraza və topoizomeraza IV-də məqsədli sayt mutasiyalar yolu ilə sıçrayışlar şəklində baş verən proses vasitəsilə əldə oluna bilər. Keçilməyən baryerlər (Pseudomonas aeruginosa-da olan) və efflüks mexanizmlər kimi davamlılığın digər mexanizmləri levofloksasinə qarşı davamlılığa təsir göstərə bilər.

Levofloksasin və digər flüorxinolonlar arasında çarpaz rezistentlik mövcuddur. Təsir mexanizminə görə adətən  levofloksasin və digər sinflərə aid olan antibakterial vasitələr arasında çarpaz rezistentlik yoxdur.

Farmakokinetikası

Absorbsiyası

Peroral qəbul edildikdən sonra levofloksasin olduqca tez və demək olar tamamilə sorulur, 1-2 saat ərzində plazmada maksimal konsentrasiyaya çatır. Biomənimsənilməsi 99-100% təşkil edir.

Qida qəbulu levofloksasinin absorbsiyasına cüzi dərəcədə təsir göstərir.

Gündə 1-2 dəfə 500 mq dozada qəbulu zamanı levofloksasinin plazma konsentrasiyasının tarazlıq vəziyyətinə 48 saat ərzində nail olunur.

Paylanması

Plazma zülalları ilə birləşməsi 30-40% təşkil edir.

500 mq dozada birdəfəlik qəbulundan sonra levofloksasinin paylanma həcmi təxminən 100 l təşkil edir, bu da onun orqanizmin toxumalarında geniş yayılmasını göstərir.

Orqanizmin toxumalarına və mayelərinə keçməsi

Levofloksasin bronxların selikli qişasına, epitelial qatın mayesinə, alveolyar  makrofaqlara, ağciyər toxumasına, dəriyə (suluqların mayesinə), prostat vəziyə və sidiyə yaxşı keçir. Bununla belə, levofloksasin serebrospinal mayeyə pis keçir.

Biotransformasiyası

Levofloksasin qaraciyərdə cüzi dərəcədə metabolizmə uğrayır, metabolitlər dismetillevofloksasin və levofloksasin N-oksiddir. Bu metabolitlər preparatın sidiklə xaric olan miqdarının  5%-dan az təşkil edir. Levofloksasin stereokimyəvi stabildir və xiral strukturunun inversiyasına uğramır.

Xaric olunması

Venadaxili istifadəsindən sonra levofloksasin qan plazmasından nisbətən asta xaric olunur (T ½ 6-8 saat təşkil edir).Əsasən böyrəklər vasitəsilə xaric olur (yeridilmiş dozanın 85%-dan çox).

500 mq dozada birdəfəlik qəbulundan sonra levofloksasinin ümumi klirensi 175±29,2 ml/dəq təşkil edir.

İstifadəsinə göstərişlər

• Pnevmonik infeksiyası (pnevmoniya)
• Ağırlaşmış böyrək və sidikçıxarıcı yollarının infeksiyaları, o cümlədən sidikçıxarıcı yollarının və böyrəklərin iltihabı (piyelonefrit)
• Prostat vəzisinin iltihabı
• Dərinin və yumşaq toxumalarının infeksiyaları: absses (irin), fleqmona, furunkul, impetiqo (dərinin yoluxucu səthi mikrob infeksiyası), pyodermiya (irinli dəri infeksiyası), yara infeksiyaların nəticəsində yaranan fəsadlaşmamış dəri infeksiyaları, appendisit
• Hospital pnevmoniya
• Sibir xorasının hava yolu ilə keçən törədicilərinin təsirinə məruz qalma

Əks  göstərişlər

Epilepsiyada, uşaqlarda, levofloksasinə və ya bu dərmanın tərkibindəki hər hansı bir inqrediyentə və ya ftorxinolonlar qrupundan olan digər antibiotiklərə qarşı allergiya, yeniyetmələrdə, hamiləlik və laktasiya dövründə olan qadınlarda inkişaf edən qığırdaq toxumasına zərər verə biləcəyi üçün istifadə edilməməlidir.

Xüsusi göstərişlər və ehtiyat tədbirləri

Aşağıdakı hallarda NANOFLOS -dan EHTİYATLA İSTİFADƏ EDİN

• Əgər çox ağır ağciyər infeksiyanız və ya ciddi xəstəxanadaxili infeksiyanız varsa (digər bir antibiotik daha effektiv ola bilər)
• Əgər mərkəzi sinir sisteminizlə əlaqədər bir xəstəliyiniz varsa və qeyri-iradi qıcolmalar keçirmisinizsə.
• İnsult və ya baş beynin digər travması nəticəsində baş beynin zədələnməsi varsa
• Uzun müddətli antibiotiklərdən istifadə nəticəsində qanlı, sulu ishal ilə müşayiət olunan bağırsaqların iltihabı hallarında: NANOFLOS -dan müalicə zamanı və ya sonra ağır, davamlı və/və ya qanlı ishal müşahidə olunarsa, NANOFLOS ilə müalicə dərhal dayandırılmalı və müvafiq dəstəkləyici və/və ya spesifik müalicə aparılmalıdır. Müalicə dərhal başlanmalıdır. Həkiminizə bu barədə dərhal məlumat verin. Həkiminiz sizin üçün uyğun müalicəni təyin edəcək.
• İltihab və ya yırtığı göstərən əzələ vətərlərində ağrı, qızartı, hərəkətin məhdudlaşdırılması, həmçinin yaşlılarda və kortikosteroid qəbul edən xəstələrdə vətərlərin dağılması riski artır. Həkiminiz bu vəziyyətə diqqətlə mühadidə edəcək.
• Böyrək çatışmazlığınız varsa: həkiminiz sizin üçün xüsusi doza seçəcək.
• Nadir hallarda levofloksasin qəbul edən xəstələrdə işığa qarşı həssaslıq barədə məlumat verilmişdir. NANOFLOS -dan istifadə zamanı və müalicə bitdikdən sonra 48 saat ərzində güclü günəş işığına və ya solyari kimi süni ultrabənövşəyi şüalara məruz qalmayın.
• Superinfeksiya (əvvəlki infeksiyadan sonra və ya onun üstündə baş verən infeksiya, xüsusən də geniş spektrli antibiotiklərlə müalicədən sonra): Digər antibiotiklərdə olduğu kimi, uzun müddətli istifadə qeyri-rezistent mikroorqanizmlərin həddindən artıq çoxalmasına səbəb ola bilər. Bunun qarşısını almaq üçün həkiminiz sizi diqqətlə müşahidə edəcək. Superinfeksiya baş verərsə, o, müvafiq müalicə üsullarını tətbiq edəcək.
• Əgər 60 və ya daha çox yaşınız varsa.
• Əgər orqan transplantasiyası əməliyyatı keçirmisinizsə
• Əgər kortikosteroid adlanan iltihabəleyhinə dərmanlardan istifadə edirsinizsə
• Əgər bir zaman qaraciyər probleminiz olubsa
• Ürək probleminiz varsa

Aşağıdakılardan hər hansı biri Sizə aiddirsə, bu dərmanı istifadə edərkən ehtiyatlı olmalısınız:

• Ürəyinizə təsir edə biləcək dərmanlar qəbul edirsinizsə (“Digər dərmanlarla birlikdə istifadə” bölməsinə baxın)
• Əgər Sizdə “uzadılmış QT sindromu” adlı anadangəlmə ürək xəstəliyi varsa və ya ailənizdə bu xəstəliyi olan şəxslər varsa (bu, EKQ-da müşahidə olunan pozğunluqdur).
• Əgər qanınızda duz dizbalansı varsa (xüsusilə də qanda kalium və ya maqnezium səviyyəsi aşağıdırsa).
• Ürək ritminiz çox ləngdirsə (buna “bradikardiya” deyilir).
• Əgər Sizdə ürək çatışmazlığı varsa, nə vaxtsa miokard infarktı keçirmisinizsə.
• Əgər Siz qadın və ya yaşlısınızsa və ya EKQ-da dəyişikliklərə səbəb olan digər dərmanlardan istifadə edirsinizsə (“Digər dərmanlarla birlikdə istifadə” bölməsinə baxın).
• Əgər Sizdə qlükoza-6-fosfat dehidrogenaz adlı fermentin anadangəlmə çatışmazlığı varsa
• Hipoqlikemiya (qanda şəkərin səviyyəsinin aşağı olması) və hiperqlikemiya (qanda şəkərin yüksək olması): əgər diabetiniz varsa və bunun üçün insulin və ya oral dərmanlar istifadə edirsinizsə, qanda şəkərin səviyyəsi aşağı düşə bilər və ya bu vəziyyətə görə koma yarana bilər və ya qanda şəkərin səviyyəsi yüksəlir (həkiminiz sizdən müntəzəm olaraq qanda şəkərin səviyyəsini yoxlamağa xahiş edə bilər).
• Əgər Sizdə periferik neyropatiya varsa (hər hansı səbəbdən sinir pozğunluqları – hissiyyat itkisi)
• Miasteniyanın kəskinləşməsi (əzələ zəifliyi xəstəliyinin bir növü):
• Ftorxinolonlar əzələ-sinir keçiriciliyini zəiflədilmə aktivliyinə malikdirlər və miasteniya olan xəstələrdə əzələ zəifliyini gücləndirə bilər. Ftorxinolondan istifadə edən miasteniya olan xəstələrdə, tənəffüs dəstəyi tələb edən tənəffüs çatışmazlığı və ölüm daxil olmaqla, marketinqdən sonrakı ciddi arzuolunmaz əlamətlər ftorxinolonla əlaqələndirilmişdir. Anamnezdə miasteniya olan xəstələrdə ftorxinolonların istifadəsindən çəkinmək lazımdır.
• Həddindən artıq həssaslıq reaksiyaları: İlk dozadan sonra nadir hallarda ölümcül potensiala malik ciddi həssaslıq reaksiyaları (allergiya nəticəsində üz və boğazın şişməsi) baş verə bilər. Müalicəni dayandırmalı və təcili tədbirləri keçirmək üçün dərhal  həkiminizlə əlaqə saxlamalısınız.
• Dəridə su ilə dolu qabarcıqlarla müşayiət olunan ağır xəstəliklər: NANOFLOS Stivens-Conson sindromu (dəri və göz ətrafında iltihab, ödem və qızartı) və toksik epidermal nekroliz (dəridə maye ilə dolu suluqlar -ciddi xəstəlik) kimi ağır dəri reaksiyalarına səbəb ola bilər. Bu vəziyyətdə müalicəyə davam etməzdən əvvəl dərhal həkiminizlə məsləhətləşin.
• Çox nadir hallarda levofloksasinin bir dozasından sonra intihar düşüncələri və təhlükəli davranışlar baş verə bilər. Bu vəziyyətdə həkiminiz müalicənizi dayandırıb və Sizin üçün uyğun müalicə üsulunu təyin edə bilər.
• Əgər psixoloji xəstəliyiniz və ya anamnezdə psixi xəstəliyiniz varsa, NANOFLOS -dan ehtiyatla istifadə edin.
• Müalicə zamanı iştahsızlıq, sarılıq, sidiyin tündləşməsi, qaşınma və ya qarında ağrı yaranarsa, dərhal həkiminizlə məsləhətləşin. Həkiminiz müalicəni dayandırıb, sizin üçün uyğun müalicəni təyin edəcək.
• Əlilliyə səbəb olan ciddi və potensial olaraq geriyə dönməz ciddi reaksiyalar, o cümlədən tendinit (oynaq ətrafında ödem, ağrı) və vətərlərin qopması, periferik neyropatiya (ağrı, keyimə, iynəbatırma və bədənin yuxarı və aşağı ətraflarında əzələ zəifliyi) və mərkəzi sinir sisteminə təsirlər
• NANOFLOS daxil olmaqla ftorxinolonlar əlilliyə səbəb ola biləcək potensial geriyə dönməz ciddi əlavə reaksiyalarla əlaqələndirilmişdir. Əlavə reaksiyalar əzələ-skelet sistemində və periferik sinir sistemində tez-tez baş verir. Tendinit (oynaq ətrafında şişkinlik, ağrı), vətərlərin qopması, vətərlərin şişməsi və ya iltihabı, iynəbatırma və ya keyimə hissi, qollarda və ayaqlarda keyimə, əzələ ağrısı, əzələ zəifliyi, oynaq ağrısı, oynaqların şişməsi artralgiya (oynaq ağrısı), mialgiya (əzələ revmatizmi, əzələ ağrısı), periferik neyropatiya (bədənin ətraflarında ağrı, keyimə, iynəbatırma hissi) və mərkəzi sinir sisteminə təsirlər (hallyusinasiyalar, həyacanlıq, depressiya, intihara meyl, yuxusuzluq), ağır baş ağrısı və çaşqınlıq ( 4. Mümkün əlavə təsirlər? böl.bax).

Bu reaksiyalar NANOFLOS -u istifadə etdikdən sonra bir neçə saat və ya həftə ərzində baş verə bilər. Bu əlavə effektlər bütün yaş qruplarından olan və ya əvvəlcədən mövcud risk faktorları olmayan xəstələrdə müşahidə olunmuşdur.

Hər hansı ciddi əlavə təsirin ilk əlamətləri və ya simptomları meydana çıxdıqda NANOFLOS -un istifadəsi dərhal dayandırılmalıdır. Bundan əlavə, ftorxinolonlarla birlikdə bu ciddi əlavə reaksiyalardan hər hansı biri qeyd olunmuş xəstələrdə NANOFLOS daxil olunmaqla ftorxinolonların istifadəsindən çəkinmək lazımdır.

• Əgər Sizə iri qan damarının genişlənməsi və ya “şişməsi” diaqnozu qoyulubsa (aorta anevrizması və ya iri damarın periferik anevrizması).
• Əgər Sizdə əvvəllər aortanın laylanması epizodu olubsa (aorta divarında yırtıq).
• Ailənizdə aorta anevrizması və ya aortanın laylanması varsa və ya digər risk faktorlarına meyllik varsa (məsələn, Marfan sindromu və ya  Elers-Danlos damar sindromu kimi birləşdirici toxuma xəstəlikləri və ya Takayasu arteriti, nəhəng hüceyrə arterit kimi damar xəstəlikləri, Behçet xəstəliyi, yüksək qan təzyiqi və ya məlum ateroskleroz)

Mədə, sinə və ya kürəyinizdə qəfil və şiddətli ağrı hiss edirsinizsə, dərhal təcili yardım şöbəsinə müraciət edin.

Əgər bu xəbərdarlıqlar keçmişdə olsa belə, sizin üçün etibarlıdırsa, həkiminizlə məsləhətləşin.

Hamiləlik və laktasiya dövründə istifadəsi

Hamiləlik

Bu dərmanı istifadə etməzdən əvvəl həkiminizlə və ya əczaçı ilə məsləhətləşin.

Hamilə qadınlarda levofloksasinin istifadəsi ilə bağlı kifayət dərəcədə məlumat yoxdur.

İnsanlar üçün potensial risk məlum deyil. İnsanlara dair məlumatlar az olduğuna görə NANOFLOS hamiləlik dövründə istifadə edilməməlidir, ftorxinolonlarla aparılan eksperimental tədqiqatlar isə böyüyən orqanizmlərdə daşıyıcı qığırdaqların zədələnməsi riskini göstərmişdir.

Müalicə zamanı hamilə olduğunuzu hiss etsəniz, dərhal həkiminizə və ya əczaçıya müraciət edin.

Laktasiya dövrü

Bu dərmanı istifadə etməzdən əvvəl həkiminizlə və ya əczaçı ilə məsləhətləşin.

Levofloksasinin insan və ya heyvan südünə xaric olub-olmaması barədə kifayət qədər məlumat yoxdur. Levofloksasinin südlə xaric edilməsinə dair fiziki-kimyəvi və mövcud farmakodinamik/toksikoloji məlumatlara görə, ana südü ilə qidalanan uşaq üçün riski istisna etmək olmaz. NANOFLOS laktasiya zamanı istifadə edilməməlidir, çünki ftorxinolonlarla aparılan eksperimental tədqiqatlar böyüyən orqanizmlərdə daşıyıcı qığırdaqların zədələnməsi

 

Müxtəlif yaş qrupları

Pediatriya

Uşaqlarda istifadəsi

NANOFLOS uşaqlarda və böyüyən yeniyetmələrdə istifadə edilmir.

Yaşlılarda istifadəsi

Böyrək funksiyasının pzulması olmadıqda, yaşlılarda NANOFLOS -ın dozasına düzəliş tələb olunmur.

Nəqliyyat vasitəsini və digər mexanizmləri idarəetmə qabiliyyətinə təsiri

NANOFLOS -un istifadəsi başgicəllənmə, görmə pozğunluğu, yuxuya meyllik kimi bəzi arzuolunmaz əlavə təsirlərə səbəb ola bilər ki, bu da xəstənin diqqətini cəmləmək və reaksiya vermə qabiliyyətini zəiflədə bilər. Alətlərin və maşınların istifadəsi kimi xüsusi diqqət tələb edən vəziyyətlərdə bu qabiliyyətlərin azalması təhlükə yarada bilər.

NANOFLOS istifadə edərkən belə əlavə təsirlərlə qarşılaşsanız, nəqliyyat vasitələrdən və ya maşınlardan istifadə etməyin.

Digər dərmanların qəbulu/istifadəsi

• Teofillin, bronxları genişləndirərək nəfəs almağı asanlaşdıran bir dərman (NANOFLOS ilə istifadə edildikdə, qıcolmalara meyllik artır)
• Fenbufen, ketoprofen, ibuprofen, aspirin və indometasin kimi qeyri-steroid iltihabəleyhinə preparatlar (NANOFLOS ilə birlikdə istifadə edildikdə, qıcolmalara meyllik artır)
• Podaqrada istifadə edilən probenesid və ya mədə xoralarında istifadə edilən simetidin (NANOFLOS -ın orqanizmdən xaric olunmasını azaldır)
• Siklosporin, immunodepressant (siklosporinin əlavə təsirlərnin artıra bilər)
• Qanın laxtalanmasının qarşısını almaq üçün istifadə edilən K vitamininin antaqonistləri (məsələn, varfarin). Onun təsiri arta bilər, qanaxma riski mövcuddur. Həkiminiz Sizə qanın laxtalanması üzrə analizləri təyin edə bilər.
• Ürəkdə QT intervalını uzada bilən dərmanlar (ürəkdə ağır ritm pozğunluğuna səbəb ola bilər)
• Ia sinifi antiaritmik vasitələr (xinidin) və III sinif antiaritmik vasitələr (amiodaron)
• Depressiyaya qarşı bəzi dərmanlar (trisiklik antidepressantlar, məsələn, amitriptilin, imipramin)
• Makrolidlər (antibiotik qrupu), Neyrolidlər (bəzi psixi xəstəliklərin müalicəsində istifadə olunur)
• Kortikosteroidlər (astma və iltihabı müalicə etmək üçün istifadə olunur)
• Bu dərmanı istifadə edərkən güclü ağrıkəsici olan opiatlara dair sidik analizində yanlış müsbət nəticə ola bilər.

Digər preparatlar: digoksin, glibenklamid, ranitidin; NANOFLOS -un təsirini dəyişdirməsi gözlənilmir.

İstifadə qaydası və dozası

NANOFLOS venaya ləng infuziya yolu ilə səhiyyə sahəsində mütəxəssis tərəfindən venadaxili yeridilir. 500 mq NANOFLOS məhlulu üçün infuziyanın müddəti 60 dəqiqə təşkil etməlidir.

NANOFLOS Sizə tibbi-mütəxəssis tərəfindən ləng şəklində, ən azı 60 dəqiqə ərzində, venadaxili yeridilir.

NANOFLOS böyüklərdə istifadə olunur.

Dozalanma infeksiyanın növü və ağırlığından, həmçinin törədicinin həssaslığından asılıdır.

Vəziyyətinizdən asılı olaraq, ilkin venadaxili yeridilməsindən bir neçə gün sonra həkiminiz peroral istifadəyə (levofloksasin – 500 mq tabletlər) keçə bilər.

NANOFLOS -un aşağıdakı dozalarda yeridilməsi tövsiyə olunur:

İstifadə edilir	Sutkalıq doza (infeksiyanın ağırlığından asılı olaraq)	Müalicənin davametmə müddəti
Xəstəxanadankənar pnevmoniya	Gündə bir dəfə və ya gündə 2 dəfə 500 mq	7-14 gün
Sidik yollarının və böyrəklərin iltihabı (pyelonefrit) (pyelonephritis)	Gündə bir dəfə 500 mq	7-10 gün
Böyrək və sidik yollarının ağırlaşmış infeksiyaları	Gündə bir dəfə 500 mq	7-14 gün
Dərinin və yumşaq toxumaların infeksiyaları	Gündə bir dəfə 250 mq və ya birdəfəlik doza / iki dəfə 500 mq	7-14 gün
Prostat vəzisinin iltihabı	Gündə bir dəfə 500 mq	28 gün
Hospital pnevmoniya	Gündə bir dəfə 750 mq	7-14 gün
Hava yolu ilə keçən sibir xorası törədicisinin təsiri   məruz məruz	Gündə bir dəfə 500 mq	8 həftə

 

Müalicə müddəti xəstəliyin gedişatından asılıdır (yuxarıdakı cədvələ baxın). Ümumiyyətlə, bütün antibiotiklərdən müalicədə olduğu kimi, NANOFLOS -un istifadəsi xəstənin temperaturu azaldıqdan və infeksiyanın dayandığına dair əlamətlər əmələ gəldikdən sonra ən azı 48-72 saat davam etdirilməlidir.

Əlavə təsirləri

Mümkün əlavə təsirlər

Bütün dərmanlar kimi, NANOFLOS da onun tərkibindəki maddələrə qarşı həssas olan insanlarda əlavə təsirlər törədə bilər.

Əlavə təsirlər aşağıdakı kateqoriyalarda göstərildiyi kimi qeyd edilmişdir.

Çox tez-tez: ​​10 xəstədən ən azı 1-də müşahidə olunmuşdur.

Tez-tez: ​​10 xəstədən birindən az, lakin hər 100 xəstədən birdən çox.

Bəzən: ​​100 xəstədən birindən az, lakin 1000 xəstədən birindən çox.

Nadir hallarda: 1000 xəstədən birindən az, lakin 10.000 xəstədən birindən çox.

Çox nadir: 10.000 xəstədən birindən az rast gəlir.

Məlum deyil: mövcud məlumatlar əsasında onu qiymətləndirmək mümkün deyil.

Aşağıdakılardan hər hansı biri baş verərsə, NANOFLOS -dan istifadəni dayandırın və bu barədə DƏRHAL həkiminizə məlumat verin və ya ən yaxın təcili yardım şöbəsinə müraciət edin:

Nadir:

• Dəridə geniş yayılmış qaşınma və səpgilər, dodaqların, üzün, boğazın və dilin şişməsi, udma və ya nəfəs almada çətinlik (yüksək həssaslıq, angionevrotik ödem)

Məlum deyil:

• Stivens-Conson sindromu, multiformalı eritema (dəri və göz ətrafının iltihabı, şişkinlik və qızartı), toksik epidermal nekroliz (dəridə maye ilə dolu qabarcıklarla müşayiət olunan ağır xəstəlik)
• Dəridə səpgi, qaşınma və ya övrə, üzün, dodaqların, dilin və ya bədənin digər hissələrinin şişməsi, təngnəfəslik, xırıltı və ya tənəffüs çətinliyi (anafilaktik şok, anafilaktoidli şok) kimi simptomlarla təzahür edən hiperhəssaslıq nəticəsində qan dövranının ağır pozulması.

Bütün bunlar çox ciddi əlavə təsirlərdir

Əgər bunlardan biri Sizdə varsa, NANOFLOS -a qarşı ciddi allergiyanız var. Sizə təcili tibbi yardım və ya hospitalizasiya tələb oluna bilər.

Aşağıdakılardan hər hansı birini qeyd etdikdə, dərhal həkiminizə məlumat verin və ya ən yaxın xəstəxananın təcili yardım şöbəsinə müraciət edin:

Nadir:

• Vətərlərdə ağrı və iltihab (əzələ vətərləri, məsələn, Axilles vətəri)
• Miasteniyanın (əzələ zəifliyi xəstəliyinin bir növü) ağırlaşması
• Məcburi spazm tutmaları (qıcolmalar).

Məlum deyil:

• İştahsızlıq, göz və dəri ağlarının saralması, sidiyin tünd olması, qaşınma, qarın nahiyəsində ağrı. Bunlar bəzən ölümcül ola bilən qaraciyər problemlərinin əlamətləri ola bilər.
• Ürək ritmində dəyişikliklər (ürəyin elektrik fəaliyyətini qeyd edən elektrokardioqrafiyada görünən “QT intervalının uzadılması”)
• Anormal çox sürətli ürək ritmi (mədəcik taxikardiya), həyat üçün təhlükə yaradan qeyri-müntəzəm ürək ritmi (mədəcik aritmiya)
• Ürək dayanması ilə nəticələnə bilən Torsade de Pointes (həyatı üçün təhlükə yarada bilən qeyri-müntəzəm ürək ritmi).
• Qızdırma, iynəbatırma hissi, ağrı və ya keyimə. Bunlar nevropatiyanın simptomları ola bilər.
• Yüksək qızdırma və qarında tutma şəklində güclü ağrılarıla ağır, davamlı, qanlı ishal.

Bunlar ciddi bağırsaq probleminin əlamətləri ola bilər.

• Sümükləri birləşdirən birləşdirici toxumanın qırılması (bağların qopması)
• Əzələnin qırılması
• Vətərin yırtığı (məsələn, Axilles vətərin)
• Oynaqların iltihabı
• Skelet əzələlərinin parçalanması (rabdomioliz)

Bütün bunlar ciddi əlavə təsirlərdir. Təcili tibbi yardım tələb oluna bilər.

Aşağıdakılardan hər hansı birini qeyd etsəniz, həkiminizə bu barədə xəbər verin:

Ümumi:

• Ürəkbulanma, qusma, ishal
• Qanda bəzi qaraciyər fermentlərinin səviyyəsinin artması
• Məhlulun venadaxili yeridildiyi nahiyədə qızartı, ağrı, həssaslıq.
• Qan damarlarının iltihabı (flebit)
• Baş ağrısı, başgicəllənmə
• Yuxusuzluq

Qeyri-adi:

• Göbələk infeksiyaları (o cümlədən kandida adlanan göbələk infeksiyası), digər mikroblarda rezistentliyin inkişafı
• İştahsızlıq (anoreksiya)
• Dəridə qaşınma və dəri səpgisi, övrə, həddindən artıq tərləmə
• Qarında ağrı, həzm pozğunluğu, iştahsızlıq, meteorizm, qəbizlik
• Bədənin tarazlıq sistemindəki problemdən törədilmiş başgicəllənmə (vertigo).
• Narahatlıq, şüurun qarışığı, əsəbilik
• Yuxuya meyllik, tremor, dad hissinin pozulması
• Təngnəfəslik (dispnoe)
• Oynaq və ya əzələ ağrıları
• Qaraciyər və ya böyrək problemləri (yüksək bilirubin, kreatinin) səbəbindən qan testləri gözlənilməz nəticələr göstərə bilər.
• Ağ qan hüceyrələrinin sayında azalma (leykopeniya)
• Bəzi ağ qan hüceyrələrinin sayında artım (eozinofiliya)
• Zəiflik, yorğunluq (asteniya).

Nadir:

• Qanda şəkərin aşağı səviyyəsi. Bu diabet xəstələri üçün vacibdir və komaya səbəb ola bilər.
• Görmə və eşitmə hallyusinasiyalar və həddindən artıq şübhə (paranoyya) ilə müşayiət oluna bilən psixi pozğunluq, narahatlıq, depressiya
• Anormal yuxular, qorxulu yuxular
• Keyimə və iynəbatırma hissi (paresteziya)
• Bulanıq görmə daxil olunmaqla, görmə qabiliyyətinin pozğunluqları
• Qulaqlarda küy
• Əzələ zəifliyi. Bu, miasteniya (sinir sisteminin nadir xəstəliyi) olan xəstələr üçün vacib şərtdir.
• Aşağı qan təzyiqi (hipotoniya)
• Sürətli ürək döyüntüsü
• Qan trombositlərinin sayının aşağı olması (trombositopeniya) səbəbindən qanaxma və göyərmə asanlıqla baş verə bilər.
• Qanda parçalanmış hüceyrələrin sayının azalması (neytropeniya)
• Yüksək temperatur
• Böyrək funksiyasının pozulması nəticəsində yaranan böyrək çatışmazlığı və interstisial nefrit adlanan allergik böyrək reaksiyaları.

Çox nadir:

• Porfiriya (nadir metabolik xəstəlik) olan xəstələrdə tutmalar

Məlum deyil:

• Qanda şəkərin aşağı olmasına görə koma
• Qanda yüksək şəkər səviyyəsi
• Özünə zərər verən davranış, o cümlədən intihar düşüncələri və intihara cəhd
• Dad hissiyyatının itməsi
• Qoxu hissini itirmə daxil olunmaqla qoxu pozğunluqları
• Bayılma (senkop), xoşxassəli kəllədaxili hipertenziya (kəllədaxili təzyiqin xoşxəssəli artması)
• Eşitmə qabiliyyətinin pozulması, eşitmə itkisi
• Müvəqqəti görmə itkisi, göz iltihabı
• Dərinin günəşə və ultrabənövşəyi işığa qarşı həssaslığının artması (işığa həssaslıq)
• Bütün qan hüceyrələrinin sayının azalması (pansitopeniya), ağ qan hüceyrələrinin sayının azalması (aqranulositoz) və ya qırmızı qan hüceyrələrinin sayının azalması (anemiya). Qırmızı qan hüceyrələrinin zədələnməsi və qan hüceyrələrinin sayının hər hansı bir azalması səbəbindən dəri solğun və sarı ola bilər. Qızdırma, boğaz ağrısı və ümumi halsızlıq ola bilər.
• Ağız boşluğunda selikli qişanın iltihabı (stomatit)
• Həddindən artıq immun reaksiyalar yarana bilər (hiperhəssaslıq)
• Hərəkət və yerimə ilə bağlı problemlər (diskineziya, ekstrapiramidal pozğunluq)
• Tənəffüsdə çətinlik və fitverici nəfəs (bronxospazm)
• Allergik pnevmoniya
• Allergik reaksiya nəticəsində yaranan qan damarlarının iltihabı
• Mədəaltı vəzisinin iltihabı (pankreatit)
• Ağrı (beldə, sinədə, qol və ayaqlarda)

İstifadə üzrə bu təlimatda qeyd olunmayan hər hansı bir əlavə təsirlərlə qarşılaşsanız, həkiminizə və ya əczaçınıza bu barədə məlumat verin.

Buraxılış forması: 500mq/100ml propilen qablaşdırma içlik vərəqəsi ilə birlikdə №1.

Saxlanma şəraiti

25°C-dən aşağı otaq temperaturunda və orijinal qablaşdırmada, işıqdan qorunan  və uşaqların əli çatmayan yerdə saxlayın.

Xəbərdarlıq: Qablaşdırmadan açıldıqdan sonra otaq işığında saxlama müddəti 3 gündür.

NANOFLOS, Twist-off deşildikdən dərhal sonra (3 saat ərzində) istifadə edilməlidir. Yalnız birdəfəlik istifadə üçündür. İstifadə edilməmiş hissəni atın.

Yararlılıq müddəti

24 ay

Yararlılıq müddəti bitdikdən sonra istifadə etmək olmaz.

Aptekdən buraxılma şərti

Resept əsasında buraxılır.

 

İstehsalçı:

Qeydiyyat Vəsiqəsinin Sahibi:

TURKTIPSAN SAĞLIK TURİZM EĞİTİM VE TİCARET A.Ş.

AKYURT/ANKARA

e-mail: turktipsan@hs01.kep.tr

Telefon: +90 312 844 15 08

Faks: +90 312 8441527

İstehsal meydançası: TURKTIPSAN SAĞLIK TURİZM EĞİTİM VE TİCARET A.Ş.

AKYURT/ANKARA

e-mail: turktipsan@hs01.kep.tr

Telefon: +90 312 844 15 08

Faks: +90 312 8441527